News Schöne und besinnliche Weihnachten 24. Dezember 2014

„Muottr, luog zum Feoschtr us, 
luag, kom luog, im Doktrhuus 
zöndt ma scho do Chrischtbôm a, 
sollind dio jetz Fröüda ha!

Muottr, i mücht ou an Bôm,
wuôscht, mit viela Liechtli dôm,
Änglhöörli, lang und wiiß,
goldi Nüß vom Paradies,
Krömli druf, a ghöorigs Gsprang,
Glöggli mit am fino Klang,
Kugla, dach as d'Äschtli bückt,
alls mit Silbrfäda gschmückt;
onna-dra a-n Änglsglüt,
wou si dreiht und Muusi git;
z'obrscht-om an lango Spitz ...
– Muottr, worom luogascht jitz?

's Chrischtkiend heät gwieß kuon mi g'ha,
s'nöscht Jôhr dänkt as sichr dra,
stellt mr, wänn i folg und beät,
gwieß an Bôm uf's Feoschtrbreätt
und a Pöppli neäbit-dra,
mein Gott, wüor i Fröüda ha!

Siend muonscht Doktrs brevr gsin?
– Geäll, i dar jô zfrida sin,
luog, wi han i Nüß und Schnitz ...
– Muottr, worom gellascht jitz...?"
(Armi Wiinat, Hannes Grabher)